محتاجين كام عشان نعيش؟
١٨ فبراير ٢٠٢٠ , ٧:٠٠ – ٩:٠٠ مساء
في الفترة ما بين فبراير وأبريل مجموعة ق.ل. هتدعو لسلسلة ورش هدفها تطوير أدوات أو “عدة شُغل” عملية تكون متاحة للعاملين والعاملات بالمجال الثقافي في مصر عشان نساعد في خلق وتطوير بيئة وظروف عمل أكثر عدالة. هنفكر ازاي نطور معرفة جماعية تساعدنا في تحقيق عدالة أكبر في مجال شغلنا، وازاي نحول المعرفة الجماعية دي لأدوات عملية تفيد قطاع أوسع من العاملين/ات في المجال الثقافي على اختلاف المهن والتخصصات وأشكال المؤسسات اللي بيشتغلوا فيها.
” محتاجين كام عشان نعيش ( كعامليين/ات بالمجال الثقافي )؟ “ الورشة الأولى وبتستضفها مدرار للفن المعاصر.
العمل في المجال الثقافي بيحمل معاني كتير منها أهمية الفن وتأثيره على المجتمع، أهمية الإبداع وقيمته للأفراد، نشر وتطوير الثقافة والوعي العام. بالتالي بنحس بالرضا والتحقق إن عملنا/شغلنا وأكل عيشنا ليهم قيمة ومعنى وتأثير على العالم.
لكن في ظل ظروف اقتصادية شديدة القسوة والتعقيد محليا وعالميا، بقى من ”العادي“ إن الشغل الثقافي يكون مرن، مؤقت، غير مستقر، من غير ضمانات، بدون حد ادنى من الأمان الاجتماعي أو الصحي، وبدون طرق ومعايير واضحة لتحديد الأجور.
من خلال الورشة الأولى في سلسلة ورش “عدة الشُغل“ هنقوم بطرح ومناقشة سؤال : إيه هو الأجر العادل للعاملين/ات في المجال الثقافي في مصر حاليًا؟ و ازاي نتفاوض للوصول إليه.
الدعوة عامة لكل العاملات والعاملين في المجال الثقافي. للمهتمين/ات بالحضور يرجى التسجيل من خلال اللينك (فقط لمعرفة عدد الحضور): https://forms.gle/oFe4LXgNCNwTBUJN9
جدول الورشة/ الثلاثاء ١٨ فبراير ٢٠٢٠
٧:٠٠ -٧:٣٠ التعرف على بعض ومقدمة عن مجموعة ق.ل.
٧:٣٠ -٧:٤٥: تمرين “ايه مصروفاتك الأساسية شهريا؟ (ميزانية الشهر)
٧:٤٥-٨:١٥: نقاش عن الحد الادنى للاجر العادل
٨:١٥-٨:٣٠: تكتيكات للتفاوض على أجر عادل مع طرح ونقاش نماذج من هياكل الأجور
٨:٣٠- ٩:٠٠: تقديم حملة #لاء-مش-عادي والخطوات القادمة
تقام الورشة الأولى في مدرار للفن المعاصر، العنوان:
٧ شارع جمال الدين أبو المحاسن – جاردن سيتي-